Ramdan Karim 3alekom We Yen3ad 3aliko


أهلا وسهلا بكم نورتو المنتدي شباب اتصالات هقوللك من الاخر انت هتسجل يعني هتسجل فاهم والالا اهو انت عارف مع تحيات الادارة



Ramdan Karim 3alekom We Yen3ad 3aliko

A=AHMED HESHAMA=AHMED MOBASHERA=AHMED TAHA A=AHMED SALA7M=MOHMED RABIAM=MOHAMED ALAA BEST FRIEND`S FOR EVER
 
الرئيسيةاليوميةس .و .جبحـثالأعضاءالمجموعاتالتسجيلدخول
أحب اقول ليكم انو انتو منورين المنتدي بجد منورين المنتدي يا احلي واجدع ناس من اول اعضاء المنتدي للزوار لكل الناس وخاصة اجدع صحاب واهلا وسهلا بيكم
أحمد هشام أحمد مباشر أحمد طة أحمد صلاح محمد ربيع محمدعلاء محمد علوي اسلام محمد اسلام خليل محمد سليمان وناس كتير انا مش عايز اناسهم بجد احنا احلا ناس

شاطر | 
 

 حكايات من قطر الحياااااه

اذهب الى الأسفل 
كاتب الموضوعرسالة
abosala7
المدير العام
المدير العام
avatar

عدد المساهمات : 42
تاريخ التسجيل : 12/06/2010

مُساهمةموضوع: حكايات من قطر الحياااااه   الثلاثاء يونيو 29, 2010 11:28 pm

ع المحطة واقفين.......كلنا مستنين
اللى ماشى مالشمال......واللى جاى م اليمين
ع المحطة القطر جاى.....الجرس بيدق جد
بيقول لنا كله استعد....وقفت اشوف كدةواستعد
شفت زحمة ...زحمة..زحمة.....حاجة رخمة
ايه ده كله كل ده كان ع المحطة.....وفجأة دوشة
اللى يلحق..الى يسبق ......من هنا كانت البداية
وسمعت صوت بيقول..استنى يابنى بالهداوة
قال يا ستى ....الحق لى كرسى
مش شايفة الزحمة ..شوفى بصى
اوعى يا بنتى ..وسع ياعمى..طب يا سيدى متخبطش
حاجة تقرف.............. قطرمقرف
استنى انزل انا الاول ............طب يلا خلص
القطر هيمشى ...خلينا نخلص........هاتى فرحة يام فرحة...طب يا ست حاسبى الطرحة
هاتى فرحة م الشباك.... واركبى انتى من هناك
طب يا سيدى...خد بأيدى ..تعالى يا حاجة اطلعى
امسكى ابنك يا صفية ....خلى بالك منه شوية
يلا بسرعة القطر زمر....خد بايدى يا اسمك ايه...والقف منى الشيلة دية
الحمد لله...وده ايه كمان جاى يجرى....امسك كويس لتقع يابنى
ربنا يسترها يا خالة.....قاعدة ع الباب كدة ليه خشى جوة
انت شايف فيه مكان....... القطر موت هو اصلا جاى مليان
طيب نقفل البيبان...لجل مانكون فى امان...توكلنا على الله
وحكايات..وحكايات...فى القطر زحمة ومسليات
شاب شهم قام وقعد.ست عجوزة ...كتر خيره
ندهت وقالت..يا عبير خدى بالك م الفطير...على الله يوصل بخير
ايه يا بنتى بتبكى ليه..لا مفيش...بعتولى مرسال ان ابويا بعافية شوية رايحة اشوفه
ان شاالله خير...هتلاقيه وربنا ميضركيش يا بنتى فيه
اه يا ركبى م الفجر واقفة على رجلى وع المحطة بقالى ساعة
حاسب يا صميدة ..السبت ده هيجع عليك....متخفش شايفه وبايدى ماسكه
عايزة ماما ...عايزة ماما......خدها منى يا سلامة...اديها للست دية..روحى ياسكر يلا لماما
مفيش حبة هوا ..اتخنقت افتح الشباك اللى جنبك ده يا حسانين..ايه يا ست رايحة فين
بشوف لى حتة اقف فيها.... بدل المعاكسة اللى انا فيها...طب خشى جوة ..اقفى جنب الشباك
اقفى هناك بين الستات..تشكر يا سيدى...معلش الزحمة ومش بأيدى
وانتى يا حاجة رايحة فين..انا يا اخويا رايحة الحسين..نفسى اصلى فيه ركعتين
اوعى يا ابنى القفة دية فيها بطة وكام هدية....بت يا عزة ..ركبتى المعزة ...ايوة ياما ركبوها فى السبنسة
بتقولى ايه..عايزة بنسة...لا بقولك ركبوها فى السبنسسسة..طب يا رب نفتكرها احسن ننزل وننسى
وده ايه كمان ...الواد وسته قاعدين بيحكوا....اعمل ايه ياستى ...اجيب منين
يابنى على رأ المثل اليد البطالة نجسة...والايد الشقيانة شبعانة...بقولك ايه هاتلى قرصة ..اصلى جعانة
خدى ياستى...مانت اصلك لقتيها فرصة....شاى...حاجة ساقعة ...بيبسى ...يبابا عايزين حاجة ساقعة
مش دلقتى لما ننزل...لأيا بابا ملناش دعوة....عايزين حاجة ساقعة.
طب خلاص هجيب ازازة واحدة ...وكل واحد ياخدله شفطة...هات يابنى ازازة واحدة
خدى يا نادية ..وادى عادل وانت ياواد خدلك شفطة وادى وردة..جايب لهم ازازة واحدة
اسقى العيال بلاش مناهدة لو جبت المحيط مش هيكفى مانتى عارفة
ايه دى كمان بتعيط ليه ..عمى مات ..راحة اعزى فيه..كان غالى علية وبموت فيه
وعمى التانى راجل شرانى الحلو راح والشر قاعد ..قلت لها على راى المثل..
ما يقعد ع المداود غير شر البقر....الله يرحموا ارتاح م الدنيا وم البشر
ايهالهيصة دية ..اللى فى اخر العربية...عمالين يطبلوا ويغنول
الولا والا هى الواد يساوى 10 والبت تساوى 100 فيه ايه يا خالة انتى وهى ..دى عروسة راكبة العربية
بيفرحوها شوية...والله دى حاجة مية مية زغرطى يا اختى انتى وهى ..بس حاسبوا من الحرامية
واحدة بتصوت ..فيه ايه...يا لهوى الحقونى فيه واحد سرق فلوسى..دانا لسة بحذر
الله اكبر ..نط م القطر ابن المفترية ..سرق منك ايه يا ولية..سرق كل اللى حيلتى فى شنطتى ومحفظتى
فيها كام كده يعنى ..فيهاكدة 20 صحيحة و5 فكة ...احمدى ربنا يا ستى ..هنلم لك مبلغ خديه
عالاقل تروحى بيه...يكفيك شر الطريق والحريق والنهر الغريق..طب عشان الدعوة دية خدى منى دول هدية
10 اهية يكفوا والا عايزة تانى ...كتر خيرك اهى تبقى معاية سترانى
اه ...اه ماله الحاج..تعبان شوية رايحين نوديه نكشف عليه ...اصله عامل عملية... لا الف سلامة
طب وسعولوا يفرد طوله..يالا يا شباب اقفوا شوية ينبكوا صواب...ماشى يا عمى
ودى ايه بتقول ايه..طلقنى ياما منغير سبب...معلش متعيطيش والله لاخرب بيته فى المحاكم وسنته عجب
طب ياما والعيال ..يتنصلوا على دماغه..اهم حاجة يكع مال ...يا جماعة ان ابغض الحلال
وفقوا متفركشوش ..يارب حوش ..يا رب حوش...واحدتانى ..ياخى المرتب مبيقضيش ومش عارف ازاى اعيش
شوف شغل تانى بعد الضهر ..مانا اتفقت اسوق على توك توك ربنا يسهل
ويسترهنعمل ايه الدنيا غالية ولازم تكون الفكة عالية.... ياواد يا سفروت
امسك الكتكوت نط م القفص ان شالله تموت وغطى التطشت حلو يا
سفروت لحسن ينط القرموط...وخلى بالك م البضاعة ده مال ناس... حاضريا خالتى خدى الكتكوت كان هينط
من الشباك ...لما ابيع البضاعة والكام قرموط هنغنغك يا سفروت...وده ايه كمان
لما تشوف العروسة اقعد مؤدب ومتضحكش عشان سنانك... وصون لسانك لحسن تعرف انك مركب طقم
وايه يعنى هى هتلاقى احلى منى ..احلى ايه دى هتخدك عشان مالك مش جمالك
دانت عندك من السن 70 وهى يا عينى 25 طب وماله الدهن برضوا فى العتاقى
..وليه بس هتظلموها..ليه ياخويا حد لاقى
يالا يا اخونا... القطر وصل المحطة وتانى تتعاد الحكاية بس برضوا بشكل تانى ...
وحكايات وحكايات..القطر دا زى الحياه..تفضل ماشية وفى النهايةفيه محطة
ربنا يعديها على خير...واهدينا يارازق الدودة فى الحجر والطير ع الشجر

مع تحيات ابو صلاح
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حكايات من قطر الحياااااه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Ramdan Karim 3alekom We Yen3ad 3aliko :: المنتدي العام :: قـــــسم الشعر-
انتقل الى: